Zoekresultaten

Resultaat 21 - 40 (van 215)

Filteren

Lida Dykstra De skat fan jonker Jan

Tekla, Timen, Roas en Atse fine it ferskriklik dat jonker Sibe syn state ferkeapje moat. Mar Sibom - sa't elkenien de âlde jonker neamt - kin net oars: it dak lekt. Op de muorren groeit skimmel, de flierren sitte fol môge... Sibom kin it grut ûnderhâld fan Ealamastate net betelje. Jan Hannes Hakbyl fan Walhalla-hotels wol de state graach keapje. Allinnich, dan wurdt it prachtige hûs wol ôfbrutsen om plak te meitsjen foar in modern hotel. En de fiver en de bosk wurde in swimbad en in golfbaan!...

Westerlauwers Fries | 3 uur 56 minuten (238 MB) | Afûk, Easterwierrum | 2015

Luisterboek (digitaal)
Jelle Krol | Abe de Vries | Durk Gorter | Meindert Reitsma Jonge Friezen mei kulturele ambysje

Sympoasium ûnder de titel Fryslân en de wrâld 2.0 mei fjouwer lêzings oer ferskate aspekten fan (de ynfloed fan) Douwe Kalma

It biedwurd 'Fryslân en de Wrâld' is hast in ieu âld. Yn dat biedwurd lizzen allerhanne idealen besletten dy't de jonge generaasje fan 1915 neistribbe: it Frysk de algemiene kultuertaal yn Fryslân, Fryske literatuer in selsstannige literatuer, kulturele ferheffing fan it folk, wrâldliteratuer oerbringe yn it Frysk, de blik rjochtsje op Ingelân en Skandinavië en net op Hollân - en mear. Yn novimber 1915 rjochte de jonge Douwe Kalma (berne yn 1896) mei in oantal meistanners de Jongfryske Mienskip...

Westerlauwers Fries | 1 uur 34 minuten (89 MB) | Sirkwy/Tresoar, Easterwierrum | 2015

Luisterboek (digitaal)
Jelle Bangma Keatse foar de krânse

Jelke hâldt fan keatsen. Hy kin it goed, mar is ek bloedfanatyk! Gauris wint er de krânse, mar hy moat der wol hiel wat foar oer ha: in soad traine, gjin feestjes, betiid op bêd... Fan syn pake, ek in goede keatser, krijt er in pakje. Bringt dat gelok? Mei syn freonen hat Jelke faak sukses, mar hy wol mear! De Bûnspartij by de skoaljonges, en fansels de Freule! Mar Elske dan, en syn âlde maten? In moai ferhaal oer in jongesdream dy't útkomt. Ek foar famkes. Ynhâld Yn it Jongespartoer......

Westerlauwers Fries | 2 uur 36 minuten (147 MB) | Frysk en Frij, Easterwierrum | 2015

Luisterboek (digitaal)
Tiny Mulder Tin iis

Ferhalen oer de Dútske besetting (1940-1945) bliuwe almeast by anekdoates. Dêr is lykwols noch de helte net mei sein. Wichtiger is hoe't minsken har hâlde en drage ûnder druk, hoe't se reagearje as der in berop dien wurdt op har geastkrêft en hoe't se it ferwurkje as se komme te stean foar de gefolgen as se 'ja' sein hawwe op dat berop. Yn dit boek besiket de puber Klaske Jagersma, in helder famke mei kritysk each, te beskriuwen hokker ynfloed it ynheljen fan in joadsk ûnderdûkerke, folge...

Westerlauwers Fries | 10 uur 37 minuten (546 MB) | De Tille, Easterwierrum | 2014

Luisterboek (digitaal)
Klaas Bruinsma | Pablo Neruda Blomlêzing út 'e Spaanse poëzij

yn de Fryske oersetting fan Klaas Bruinsma

Mar in hantsjefol oersettings besteane der yn it Frysk fan Spaanstalige poëzij. Dizze bondel foeget dêr gâns in tal fersen oan ta. Klaas Bruinsma lit de lêzer yn ús eigen memmetaal genietsje fan al it prachtige dat Spaanse dichters troch de ieuwen hinne skreaun hawwe, yn krêftige, linige fersrigels. De earste gedichten binne al út it iere begjin fan de sechstjinde ieu, en geande troch de tiid hinne einiget de oersetter mei in noch libbene dichter út Nicaragua, dy’t yn syn eigen lân sjoen...

Westerlauwers Fries | 3 uur 16 minuten (174 MB) | Elikser, Easterwierrum | 2014

Luisterboek (digitaal)
Friduwih Riemersma | Tryntsje van der Steege | Eric Hoekstra Klassikers yn de (Fryske) literatuer

Live út de Skierstins

Sympoasium ûnder de titel 'Alde Meuk?' mei trije lêzings oer klassikers yn de Fryske literatuer. Friduwih Riemersma: Tiids tosk vs ikonoklasme Oer de rol fan klassikers yn ús kulturele libben. Gauris ha wy it oer klassikers, ek as wy it nét oer boeken ha. Mar wat makket in klassiker eins in klassiker? Wêrom ha wy klassikers, en binne dy algemien of yndividueel bepaald? Is in kanon wat oars as in rige klassikers? Kinne wy ús eins in wrâld sûnder klassikers foarstelle? En hoe soe dy der dan...

Westerlauwers Fries | 1 uur 27 minuten (76 MB) | Audiofrysk, Easterwierrum | 2014

Luisterboek (digitaal)
Ep van Hijum Muoike klaptut

en oare koarte ferhalen

Groep 7 hat syn nocht fan dy saaie ûnderwerpen as "Het donkere bos" foar in opstel. Hoe betinkt juf it. De bern wolle it oars ha. Ferhalen oer harsels en skreaun troch harsels. Spannende ferhalen, grappige ferhalen... échte ferhalen! En mei dy ferhalen wolle se ek noch wat bysûnders dwaan. Wat dat is? Dan silst nei it boek hearre moatte... Inhoud 1. Tsja, wat dan 2. It swit op e foarholle 3. Dit moat oars 4. In drokte fan komsa 5. Nuver, hear 6. Geartsma de utjouwer 7. Fereale a 8. Fereale...

Westerlauwers Fries | 2 uur 25 minuten (138 MB) | Koperative Utjouwerij, Easterwierrum | 2014

Luisterboek (digitaal)
Edgar Allan Poe | Willem Schoorstra | Aant-Jelle Soepboer | Geart Tigchelaar Fryske horror

Grouwélige ferhalen - Live registraasje

Ferhalen fan de Fryske Horrortoer 2014, organisearre troch útjouwerij Regaad Grins Bernlef, Easterwierrum de Tysker, Bitgummole Ons Huis, Dokkum Zero, Burgum Kiehool. Douwe Kootstra bringt in huveringwekkende stoarje út de Wâlden, dat him oan en by de Goddeleaze Singel ôfspilet, by wat no Noardburgum hyt. Willem Schoorstra skreaun it ferhaal Chill, dêr't it op in horribele wize mis giet. Gjin ferhaal om koart foar in jûntsje stappen te hearren. Aant Jelle Soepboer makke spesjaal foar dizze...

Westerlauwers Fries | 1 uur 41 minuten (95 MB) | Audiofrysk, Easterwierrum | 2014

Luisterboek (digitaal)
Anny de Jong It is foar de hearen

Oan de ein fan de fyftjinde ieu is der rûnom yn Fryslân striid. De Skieringers fjochtsje tsjin de Fetkeapers. En dan ha je noch de hearen fan de ferskillende stêden: se rôvje en plonderje as se de kâns krije. Wa wurdt de baas yn Boalsert? Mei haakbussen (grutte gewearen) en kanonnen fjochtsje se derom. Op libben en dea! Yn dy roerige tiden slute Harm en Peke freonskip, al soene se eins fijannen fan elkoar wêze moatte. ‘Harm, wolsto de mannen har beurs ôfnimme?’ Harm rint nei de keaplju ta...

Westerlauwers Fries | 2 uur 52 minuten (164 MB) | Afûk, Easterwierrum | 2014

Luisterboek (digitaal)
Meindert Schroor | Nanne Kalma | Tryntsje van der Steege | Bert Looper See, see, do wide see

Fjouwer lêzings

Sympoasium mei in ynlieding en trije lêzings oer de see yn de Fryske literatuer. Ynhâld Meindert Schroor: De see en wy. Mei de rêch nei de see Nanne Kalma: De see yn folkslieten Tryntsje van der Steege: Byldfoarming & Byldspraak. De see as dekor en as metafoar yn it Fryske proaza. Bert Looper: Dêr’t de dyk it lân omklammet. De see yn de Fryske poëzij. De lêzings binne yn it Hannemahuis yn Harns opnommen. De lêzingerige wie in inisjatyf fan Audiofrysk, dit tredde jier fuortset troch in...

Westerlauwers Fries | 1 uur 43 minuten (95 MB) | Audiofrysk, Easterwierrum | 2013

Luisterboek (digitaal)
Trinus Riemersma De Reade Bwarre

It kearnferhaal yn dit boek hannelet oer de bodzjende gerniershúshâlding Bosma, alias de Modderklauwers, op it Ferwerter klaailân. Dêrnêst is der de geheimsinnige sekte fan de 'Bwarristen' dy't de lear neifolget fan de reade boarre Boldgrim, de 'grutte ferneuker'. In tredde ferhaalline fertelt de jeugdoantinkens fan it jonkje Tilly, it autobiografyske part fan it boek. Tuskentroch spylje parody op en polemyk mei histoaryske figueren út de Fryske beweging en literatuer, taalwittenskip en skiednis...

Westerlauwers Fries | 25 uur 39 minuten (1036 MB) | Koperative Utjouwerij, Easterwierrum | 2013

Luisterboek (digitaal)
Hylke Speerstra De treastfûgel

Yn De treastfûgel folget Hylke Speerstra it spoar fan twa famyljes út Hichtum. De iene húshâlding stapt yn 1911 op de boat nei Amearika en kin yn it stienearme Súd-Dakota amper oerlibje. Mar úteinlik wurde se Amerikaan mei de Amerikanen. Foar de oare húshâlding wurdt it in swalkjen tusken arbeiderswenten yn Fryslân en melkstâlen yn Dútslân. De ferhalen fan beide famyljes komme wer byinoar as twa neikommelingen út de tredde generaasje oan it oarlochsfront bedarje: de iene as oerwinner,...

Westerlauwers Fries | 6 uur 26 minuten (439 MB) | Bornmeer, Easterwierrum | 2013

Luisterboek (digitaal)
Anne Tjerk Popkema | Gebroeders Grimm De moaiste mearkes fan Grimm

Spesjaal bewurke foar bern

De mearkes fan de Bruorren Grimm hearre ta de moaiste en bekendste ferhalen fan de wrâld. Al twa ieuwen lang sprekke se jong en âld oan. 14 fan dizze klassike mearkes hat de oersetter justjes bewurke foar jongere bern. Ynhâld 1. Toarnroaske 2. Hâns en Grytsje 3. Readkapke 4. Raaplokje 5. De kikkertskening 6. Broerke en suske 7. De wolf en de sân geitsjes 8. Kening Klysterburd 9. Oegemantsje 10. Sniewytsje en Roazerea 11. Bûntepels 12. De guozzefaam 13. De sân ravens 14. Frou Holle Bron:...

Westerlauwers Fries | 2 uur 10 minuten (148 MB) | Bornmeer, Easterwierrum | 2013

Luisterboek (digitaal)
Klaas Bruinsma Pseudo-Homearus - De Striid tusken Froasken en Mûzen

Anonym, oersetten troch Klaas Bruinsma

De Striid tusken Froasken en Mûzen is in luftige parody op de Ilias fan Homearus. Yn prachtige, steatlike taal mei bysûndere taalfynsten wurde piipjende mûzen en kwêkjende kikkerts foarinoar oer set. It ferhaal is ynlêzen troch Klaas Bruinsma. Ek de ynlieding fan syn hân is opnommen. 1-2 Ynlieding 3-13 De striid tusken Froasken en Mûzen Bonustracks: twa lieten, songen troch Klaas Bruinsma. 14 Liet Sub solus Ortu fan Gysbert Japiks, oersetting yn it Latyn: Klaas Bruinsma 15 Parody op Die...

Westerlauwers Fries | 53 minuten (57 MB) | Elikser, Easterwierrum | 2012

Luisterboek (digitaal)
Lewis Carroll Alice yn Wûnderlân

Alice is al oer de hûndert jier, mar se is noch altyd fris, fleurich en libben en noch altyd oarsaak fan bewûndering en fermeits foar bern. Sa skreau Tiny Mulder yn har ynlieding yn 1964. En der is wat dat oanbelanget net folle feroare. Noch altyd sprekke de aventoeren fan de lytse Alice ta de ferbylding. Dit harkboek is in moaie gelegenheid om it ferhaal op 'en nij te genietsjen. 'Wy binne hjir allegearre gek,' sei de Siferske Kat tsjin Alice. 'Ik bin gek. Jo binne gek.' - 'Hoe witte jo, dat...

Westerlauwers Fries | 3 uur 18 minuten (206 MB) | Laverman Drachten, Easterwierrum | 2012

Luisterboek (digitaal)
Hanneke de Jong Salsafamke

De 14-jierrige Freya is foar it earst mei har âlden en har broerke op it tropyske Curaçao om't har broer dêr staazje rint. Se komt yn 'e kunde mei Guido, de maat fan har broer. As se mei him de salsa dûnset, wit se al gau: him wol ik ha, it kin neat skele wat ik dêrfoar dwaan moat. Ienkear werom yn Nederlân fernimt se dat de fakânsje net sûnder gefolgen bleaun is. Wat no? Ynhâld 'Dit is myn sus.' Roelof raasde nei in groep dy't har entûsjast op de muzyk gean liet. Freya joech hjir en...

Westerlauwers Fries | 4 uur 21 minuten (275 MB) | Friese Pers Boekerij, Easterwierrum | 2012

Luisterboek (digitaal)
Wieke de Haan Echt moai

Froulju oer moaiens en it inerlik

In boek mei ferhalen oer it inerlik en uterlik fan Fryske froulju. Mar ek in boek oer de ynfloed fan heiten op dochters, oer beauty en glamour, rykdom, uterlike fersoarging, de waarmte fan thús, de frouljusbeweging, it hawwen fan rimpels, it glêzen plafond, it belang fan it Frysk - en foaral in boek oer it bliid wêzen mei dysels! Ynhâld 1 Ynlieding 2 Anita Andriesen 3 Jantien de Boer 4 Anneke Hogeveen 5 Maaike Hornstra 6 Grietje Huisman 7 Lutz Jacobi 8 Hanneke de Jong 9 Geertje Kingma 10 Yfke...

Westerlauwers Fries | 5 uur 47 minuten (178 MB) | Bornmeer, Easterwierrum | 2012

Luisterboek (digitaal)
Anny de Jong De Traveliers - Spoaren!

'Jim hawwe by it fleantúch west.' Hidde ropt fuort fan 'No!' De militêr stekt syn hân op. 'Net lige, asjebleaft. Wy hawwe jim fingertaasten fûn.' De man sjocht lang fan de iene nei de oare. Dan wiist er driigjend nei Hidde. 'En do hast de doaskes út it tastel helle.' Hidde wurdt wyt en read. It swit komt him ûnder de noas te stean. Hy moat nei de goede Ingelske wurden sykje. Hy stammeret: 'Ik ha se wier net.' 'Wat hast der mei dien?' 'Neat,' ropt er. 'Ik ha se fergetten en doe…' De Traveliers...

Westerlauwers Fries | 2 uur 59 minuten (201 MB) | Afûk, Easterwierrum | 2012

Luisterboek (digitaal)
Nyk de Vries Literêre 4-stêdetocht - Lêzing 4

Raffelich realisme; Fjouwer lêzings oer de Fryske literatuer

De finish-lêzing fan de Literêre 4-Stêdetocht giet oer in nijsgjirrich ûnderwerp dêr't net earder ûndersyk nei dien is. Begjin 1996 sette in lyts groepke studinten yn Grins útein mei in literêr tydskrift yn it Frysk. It begûn as in aardichheidsje, mar as tydskrift krige de De Blauwe Fedde stadichoan mear lêzers. It waard in poadium foar in nije generaasje fan jonge skriuwers, dy't net de barrikaden opsochten, mar op iroanyske wize skreaunen oer it deistich libben, mei al syn banaliteiten,...

Westerlauwers Fries | 1 uur 9 minuten (73 MB) | Audiofrysk, Easterwierrum | 2012

Luisterboek (digitaal)
Sigrid Kingma Literêre 4-stêdetocht - Lêzing 3

Fryske berneliteratuer; Fjouwer lêzings oer de Fryske literatuer

Begjin jierren 90 kaam der in hiele groep nije Fryske berne- en jeugdboekeskriuwers nei foaren, en oaren hiene har grutste suksessen. Tink oan Hanneke de Jong, Lida Dykstra, Auck Peanstra, Anny de Jong, Mindert Wijnstra en Eppie Dam. Foarbylden fan resint talint binne Thys Wadman (De oerwinning fan Tido Houtsma) en Ate Grypstra (It beest fan de Westereen). Wat hawwe sûnt 1990 de ûntwikkelingen fan de Fryske berneliteratuer west? Is der in ferskowing yn tema's en binne de maatskiplike feroaringen...

Westerlauwers Fries | 1 uur 13 minuten (80 MB) | Audiofrysk, Easterwierrum | 2012

Luisterboek (digitaal)